2015年8月30日日曜日

吉祥寺的不思議森林猫CAFE

投稿者 | 時刻: |



原本超級鐘意猫猫嘅我，
自從離鄉別井嚟到日本之後，
同屋企隻心肝寶貝嘅分別真係。。。唉（淚）

 養開貓嘅人一定明白
同貓貓嘅分離，同時失去從貓貓得到嘅神奇治癒魔法！
只要望住隻猫，訓教飲水屙屎屙尿都係幸褔嘅！
我都算係個忠心嘅猫奴嚟嘅！


就係一段失落嘅日子下，
直到我遇到呢間吉祥寺嘅貓CAFE！
我嘅人生又重燃些少龧光！

今次介紹嘅呢間猫CAFE就係位於吉祥寺嘅
不思議なネコの森「てまりのおうち」








係入口已經有可愛嘅裝飾同佈置！
好喇！事不宜遲
我已經準備好被一眾貓猫征服嘅心情喇！






\　各位猫猫好♡　/
一開門已在超興奮高漲嘅狀態！



「邊個嚟咗呀（咁嘈）？喵〜〜〜」



雙手伸出嚟好似好爽皮！
都話猫猫係第二個星球嚟，
係聰明過人類嘅！真係好識嘆～




仲有成個咸濕呀叔嘅貓貓企係高處向下望。。。
唔係望可愛嘅妹妹仔仲有咩望？
 




至於呢隻花紋咁特別，
唔通就係「傻豹」嘅後代？！
我雖然鐘意貓，但我好專一只係鐘意三色猫！
呢隻以我有限知識同目測相信係「豹猫」之類嘅生物。





 


正好小編去嗰日係星期日嘅關係，
所以好多架妹登門造訪！
開心死成班貓貓咁多靚姐姐啦～～




仲有啲好百厭嘅貓貓！
會主動爬去姐姐身上！
仲要打個大喊怒，伸個大懶腰！

 
個刻我仲唔雙眼發光就奇！！！
我又厚面皮走埋去扮FRIEND，


點知！！！


隻貓貓擰埋一面完全唔想理我呢個何方神聖！！！！
唉，係咪要我買兜野食嚟賄賂你地班猫星人先得？
咁現實架你地。。。。。。
 




 
仲有一啲食飽飯無屎屙就去訓陣教，
其實我個陣都好攰，
見到你地訓到反哂白眼咁攪到我都好想訓埋一份！




 仲有PINK肉球♫
好治癒呀～～～～～～～



之後是SHOWTIME！
香脆貓糧争奪戰！！
以為你地班友仔會打個你死我活，
點知最後都係好安祥兼好唔積極咁趕收工～

但係都見到一啲貓性醜陋嘅一面，
例如係偷別人辛苦抓出嚟嘅貓糧。。。。

 玩法大家可以睇最尾我整左條精彩YOUTUBE，
入面有介紹呢個SHOWTIME環節，聰明嘅你一睇就會明！


食左人地餐飯梗係要比返啲回報！
成班猫猫都好識DO坐定定比咁多位姐姐任影！



 唔只貓貓有好嘢食、
我地都點咗貌似好好味嘅
芒果忌廉特飲同夏日限定嘅草莓刨冰！

其實去左咁多次呢啲特色CAFE
真係對CAFE本身賣點之外嘅東西抱住絕望心情去落柯打，
點知？！
點知？！
點知？！
好Q好味！！
好JUICE好濃好似食梗成打士多啤梨咁！！！






如果有興趣黎探訪下呢間貓CAFE嘅朋友，
不妨先打電話予約！
因為WALKIN有機會出現滿席情況！
（啲人一坐可能坐一整日等到天黑都未到你入坐）
而且打電話BOOKING仲有機會BOOK到特別房，
到時仲唔係得返你同猫猫孤男寡女共處一室嘅時間。。。





今次加入日語VO同中文字幕夠USERFRIENDLY啦掛～



。公式HP  。
。公式BLOG  。
。FACEBOOK  。 
ラベル: , , ,