花火大會和選擇浴衣小秘訣

8月尾，日本嘅花火大會又到尾聲喇！

大家過成點呢？

今年我就第一次係日本一口氣去左兩個花火大會！
今次就介紹我係立川嘅花火大會！
真係好靚好值得大家去睇下架～！

雖然香港都有花火大會，
即係放煙花！

但日本同香港真係好唔同！
香港都係企定定沙甸魚咁逼住係現場睇，

或者係屋企睇直播配好老土嘅音樂！

但係日本。。。。。嘅話。。。

大家係坐係草地上睇！
仲會買啲野食，鋪哂台布，
成班人就好似著住浴衣開左個野餐派對！

如果係好HIT嘅花火大會，
大部分日本人會早一晚就去鋪墊霸位添！

朋友嘅即影即有好可愛！

布甸狗色同布甸狗一套♡

呢個粉紅色夠可愛，另一邊嘅藍色又夠夏日，
個邊嘅日式花紋夠傳統，另一邊嘅貓同金魚圖案都好特別啊。。。
浴衣嘅種類真係令人花多眼亂！

其實浴衣真係好影響成個感覺！
想係花火大會為自己自製個美好良緣，
就記得揀適合自己嘅浴衣！

好似我呢種比較細細粒嘅女仔，
最適合華麗嘅款式，顏色方面可以選擇膨脹色，
例如粉紅粉紫嘅粉色系都唔錯架
至於腰帶方面揀返同浴衣上花紋同色系就最好喇！

相反有較高大同有肉地嘅女仔，
可以揀充滿夏祭FEEL嘅藍色，深紫等深色系，
圖案大而分散，最好正面望落10個左右嘅大花就最靚！
另外腰帶方面可以花啲心思，
可以同浴衣唔同色系，明顯分開上下身就最好喇！