2016年1月20日水曜日

東京初雪！電車大混亂！

投稿者 | 時刻: | 0 コメント






香港嘅朋友仔有無睇新聞？
今年嘅東京落左「初雪」喇！
今次喺人生中第三次（？）睇雪！
計計下自己已經嚟左日本年零，
真喺難以置信！！

點解？








因為我真係估唔到自己可以喺日本誇到兩個年頭！
由平成26年嚟到平成28年，
因為喺學習喺日本生活，所以好多野都麻木咗，
不過對於落雪，我依然喺好矛盾，
抱有凍到好蚊掙但又好期待嘅心情。








雖然今年東京暖冬，
不過一落就落大雪！一夜間積左5cm左右，
當然比起北海道梗喺蚊同牛比啦
不過以東京都心嚟講，
算喺大大地架啦






特別對於公共交通方面已經足以做成大混亂，
日本人好偉大（えらい），
佢地遇到乜Q嘢都照返工返學！



講起呢場大雪，
我又要發牢騷喇！！！







對於一個打風股市休息唔洗返工去打邊爐嘅香港人嚟講
真心唔明點解，仲要踏出門口
首先一開門喺凍過雪櫃，
好辛苦行到車站對鞋濕哂，
你試下淋濕對腳放入零度嘅冰格就會明白



之後好不容易上月台唔洗踩雪地開心啦
點知SHIT！！
。
。
。



公告板話電車得返30%運作，
即喺你平時等5分鐘一班車
因為落雪變左42分鐘一班
但係重點！！！人喺唔會減少到30%！
即喺比你等成粒鐘有車嚟，
月台已經由100個人變成300個人再爭30個位！


我真喺將成腳放喺冰格50分鐘，
人又多到喊，逼到出車站幾條街
之後車嚟得5個人出車，
8個人逼呀逼，仲逼仲沙甸魚


我輸左，上唔到車。

唯有死死地逼返出去搭另一條路線
結果30分鐘嘅車程我用左2個半鐘。。。。（淚）
然後得知我嘅朋友們都無正常等車，
而喺返屋企飲返杯熱茶坐左陣先出門口！！！


我覺得自己好ON9！！
點解我要同班日本人一齊食西北風等車呀！！！！！！！！






換個話題，
講起落雪著乜鞋，
其實好多人以為落雪著雪靴，
呢個喺大錯特錯！
除非你喺著行雪地用幾千蚊個啲，
如果唔喺嘅話，
著普通雪靴喺一定仆街同一定濕！！





其實著落雨嘅鞋，
同埋一定要防滑底就OKAY喇！

另外有車路就行車路，
有腳印就行腳印，
總之越少踩到雪，
你嘅HP值就越唔會扣得太快














東京真喺到處到喺雪呀！！









唔知點解
日本人有個習慣，
會將啲雪剷哂去啲樹同植物度！
當然電燈柱都有，
以不阻別人為目的，
不過望人剷雪都覺好辛苦，
住北海道嘅朋友真喺難以想像


 

至於馬路邊嘅雪好快會變到黑哂！
好似火熖雪山！！！





雖然好凍，
不過我最後都死忍整左個人生第一個雪人
♡







呢幾日好好天，
仲喺溶雪中！



星期六好似再有雪落啊！
雖然落雪嘅交通令人好炆掙，
不過白色一片嘅美景，
我依然喺期待嘅！


。公式HP  。
。公式BLOG  。
  。FACEBOOK  。 
。INSTAGRAM  。
。YOUTUBE  。
ラベル: , , ,

0 コメント:

コメントを投稿

登録: コメントの投稿 (Atom)