呷一啖就搞到小編成晚典嚟典去訓唔到，
唔好諗錯隔離唔喺啲春天嘅藥，
而喺【咖啡】！
因為對咖啡咁敏感嘅體質，
為左集中注意力同防止釣魚，
咖啡真喺我最好嘅利用型朋友～！
今次香港嘅朋友就帶我嚟呢間正宗即磨即沖珈琲專門店！
【自家焙煎珈琲.凡】
聽講杜如風都有介紹過，
就等小編試下有幾巴巴閉～
店鋪就喺新宿JR東口一出直望百果園嘅附近，
行過去唔洗5分鐘極分便！
唔喺地鋪要落地盧，
未入到去就有位慈祥嘅伯父笑笑口迎接我呢位小妹妹喇～
入面佈置優雅、
感覺去左老英式嘅珈琲廳！
要換件札肚吱胸衫同埋插枝羽毛喺頭頂個種STYLE知無？
店內使用嘅杯，
聽聞喺隻隻唔同，
沖調師（即喺門口個伯父）
會應因客人適合咩杯再揀嚟沖比個客人
小編最鐘意呢款♡
飲完個底見到隱藏花紋！
如果飲唔哂咪見唔到佢咁特別嘅設計？！
受唔到太苦嘅珈琲，
點左北海道産牛乳LATTE★
一嚟到呆左！
點解我個喺茶碗嚟嘅？！
咁我諗喺咪又有隱藏柄啦，好似打機咁諗點拆掂佢，
呢個好易啫，飲哂咪得囉
好喇我飲到底喇。。。
都淨喺見到得個茶碗。。
朋友點左即磨珈琲個杯仲靚。。。
我唯有幻想自己個杯喺國皇的新衣啦～
另外店内除左珈琲仲有甜點，
分別有草莓蛋糕同2款朱古力蛋糕！
我地兩款朱古力都試齊！
賣相就唔錯喇，
但原來喺唔記得左落糖即喺零甜度嘅朱古力蛋糕。。。
兩款都喺。。。
似乎真喺岩哂鐘意飲苦珈琲嘅人口味～
多謝朋友帶我去咁有特色嘅CAFE☆
下次返香港等我帶返你去特色嘅餐廳！
（明明人地個地頭喺香港）
＝＝＝＝＝＝＝＝＝＝＝＝＝＝＝＝＝＝＝＝＝＝
【自家焙煎珈琲.凡】
営業時間：1230～2350
住所：東京都新宿区新宿3-23-1都里ビル Ｂ１Ｆ
＝＝＝＝＝＝＝＝＝＝＝＝＝＝＝＝＝＝＝＝＝＝
。公式HP 。
。公式BLOG 。
。FACEBOOK 。
