夏・天・來・了－－－－！
係向日葵完全盛放大行其道嘅季節！
雖然之前探訪過下国営昭和記念公園嘅向日葵～
但諗返轉頭實在難以滿足我心底裡面對向日葵嘅熱愛！！！！
想俾更多，更多，更多，向日葵包圍嘅朋友仔一定要去呢度！！！
又高大又靚仔又有強大臂莖嘅向日葵！
呢度就係擁有向日葵迷宮之稱嘅「ゆめ牧場」！
ゆめ牧場位於千葉県，
距離東京大約2小時30分車程，
轉電車又轉巴士都咪話唔頭暈。。。
不過一到站就發現坐左咁耐都係值回票價！
因為真係聞到同東京完全唔同嘅大自然氣息啊！！！
絕對可以令城市人轉換個好心情嘅消閒好去處！
途中有靚到暈嘅綠油油農田☆
試問城市中長大嘅你同我見到呢一刻點會唔心動？
試問城市中長大嘅你同我見到呢一刻點會唔心動？
我・到・了！！！！
總數78,000株向日葵組成嘅黃金迷宮！
一眼睇到好似黃色絨毯一樣嘅向日葵田！
同晴空下嘅藍天相映成趣！
係視覺上嘅一大奢侈享受！
講真，
呢度嘅向日葵真係大到恐怖！
事關同我嘅頭一樣大都算！仲要生得比我高！！！
心芯又密麻麻。。。猶如異形巨物。。。
如果有密集恐懼症嘅你可能要諗清楚先好黎喇！哈哈
仲有一樣好神奇嘅現像，
就係呢度嘅花田有一條明顯嘅分割線！
有一半向日葵係已經失去生命枯死左～！！！
生命呢家野有生有死，
個頭死左一半，呢頭又生返啲未開嘅冧出黎！
好期待你地長大盛放嘅一刻！
香港嘅朋友仔黎左東京可以一齊去玩真係好開心♡謝謝！
0 コメント:
コメントを投稿