要喺日本呢寸土地上面生活真喺唔易，
當初第一個感覺就喺所有嘢都。。。
可愛到痴線！！！！！
莫講隨手嗱起件商品都睇得又用得創意滿分，
周街啲仔仔女女都特別可愛過人㗎！
怪唔知得日本咁多「浮気」（出軌）同離婚率咁高啦，
又難怪嘅，啲日本人外表咁可愛～
講返正題喺呢個比「可愛」包圍嘅國家入面，
大家估下最令我失去理失嘅喺咩呢？↘
答案就喺可愛嘅小動物圖案雜貨啦！
特別喺貼紙！
唔知點解每次見到啲好得意嘅貼紙都會忍唔住買左！
明明講左話要儲錢。。。（淚）
不過你諗下，
當偉大袓國賣緊印到眼耳口鼻都歪掉嘅HELLOKITTY貼紙
貼唔實仲要20HKD張嘅時候，
而家只要100YEN就可以得到啲咁可愛又咁高質素嘅商品，
真喺幾難忍手！
另外最常買嘅就喺文具！
100YEN店其中一個特色就喺商品種類奇多！
絕對可以滿足你鐘意DIY嘅癮！
想整舊自己STYLE嘅擺設，
與其去ARTSUPPLY個啲貴到喊嘅地方，
不如去100YEN店買一大堆比你慢慢DIY。
喺日本成年，學左嘅日文真喺好多，
一直好想整本穿窿嘅薄仔可以喺咁加紙同換紙，
估唔到最近又比我喺100YEN店搵到！
加埋可愛嘅貼紙，學習意慾又大大提高喇～
加埋可愛嘅貼紙，學習意慾又大大提高喇～
用接近買完即棄嘅價錢，
得到咁可愛又高質嘅商品，
真喺架仔先做到！
下次嚟日本，不妨嚟埋100YEN店行個圈，
感受下日本人嘅偉大創意！
今次嘅商品全部都喺來自CANDO，
到底CANDO仲有咩買？
大家有興趣可以睇下之前我喺CANDO SHOPPING嘅VIDEO！
。公式HP 。
。公式BLOG 。
。FACEBOOK 。
