天藍色花海★茨城縣粉蝶花

而家科技咁先進
睇襯啲好靚嘅人同景

第一時間都會諗

你條友真定假㗎
⋯⋯

今次就發現一個仙境一樣嘅景點！
藍天，碧海，甚至連花田都清一色蔚藍嘅風景
為左力求真相
小編就執左部相機衝去驗驗真偽

坐左2 個鐘左右車
終於嚟到同東京有段距離嘅茨城縣
【日立海濱公園（ひたち海浜公園）】

每年黃金周前後都好多人到訪
就喺為左一睹呢片蔚藍花海！
♥︎
近睇呢片花海

原來喺由一堆堆好細棵嘅粉蝶花群組成

呢種藍花【ネモフィラ】
和式名【瑠璃唐草】
小編咁大個人都喺第一次見
中文好似叫粉蝶花

至於SIZE真喺好細粒
加埋本身柔弱嘅藍紫色
有種楚楚可憐嘅感覺

園內仲有菜芯花田
唔計平時摘菜芯
小編都喺第一次親眼見！
一樣有我地摘菜芯個陣臭臭地嘅菜味！

另外呢個公園可以帶自己心愛嘅寵物嚟㗎
呢PAIR貓狗真喺恩愛到爆
♥︎

藍天藍花

★

真正嘅絶景

睇真啲？！有橙色嘅粉蝶花？

其實呢啲喺【罌粟（ポピー）】嚟㗎！

喺一片平凡嘅藍色花海上
加入小量作為對照色嘅橙色罌粟
正好有印象強調★帶出整體嘅感覺

最近準備日本嘅色彩檢定考試
原來生活上真喺好多地方都用到色彩嘅效果

。題外話。

考完色檢之後
亦都要準備回港
雖然好唔捨得日本嘅生活
趁呢個最後嘅夏天
希望可以去更多地方
影更多靚相

回港之後希望去日本繼續影更多靚相
可以繼續用日語亂UP一通！
★

哈哈

。公式HP 。

。公式BLOG 。

。FACEBOOK 。

。INSTAGRAM 。

。YOUTUBE 。

Mui