相信大家唔會對黃金週陌生，
喺日本除左有黃金週，仲有銀白週（シルバーウィーク）！
就喺9月19至23呢五連休喇！
難得咁長假，
唔願離開東京都心半步嘅小編決定豁出去！！！！
參加咗日本嘅BUS TOUR去左上越！
上越喺一般外國人好少會去嘅鄉下地方，
今次我呢個城市大嘅都要挑戰下，估唔到又唔錯喎！
雖然短短兩日間，竟然去左6個地方！
【群馬、沼田、新潟、湯沢、六日町、塩沢、石打、浦佐】
因為跟團8成時間都喺車上搖，
結果訓到流哂口水都唔醒嘅深層睡眠，
日本嘅導遊好交足戲，
每個地方都好詳細嘅介紹，
無奈我真係好銀攰，又聽唔明啲地名，
我抵死到連最尾個日返到東京都未自己去完個咁出名嘅「新潟」點讀
所以成個TRIP我都喺唔知自己實際喺日本邊忽！（笑）
大家千祈唔好問我呢度喺邊個度喺邊喇。。。
雖然雲遊大空，但第一次咁近大自然真喺感覺好新鮮！
首先介紹嘅梗喺最鐘意嘅花花編【コスモス】（波斯菊？）！
日本四季分明，秋天好多人諗到紅葉，
其實初秋（9月）左右盛開嘅就喺呢種叫做コスモス嘅花，
通常一大片成塊田咁盛開，一樣靚到暈架！
大家喺日本最常見嘅コスモス應該係偏紫紅色或者白色加紫紅色邊、
其實仲有橙色嘅コスモス！
雖然比較少見，但一樣咁靚！而且橙黃色令人一望精神哂！！
有佢秋バテ（秋天疲累症）仲怕咩喎！
超靚嘅一大片橙色花海♡幸褔♡
可以走入去架，又喺迷宮一個！哈哈
當日因為太曬變身做千與千尋嘅無臉小鬼（カオナシ）
下次介紹第一次住嘅温泉旅館同蟹腳放題，唔好錯過喇♫
。公式HP 。
。公式BLOG 。
。FACEBOOK 。
