一個人住第一年分享

恭喜發財!!!!! 大年初二小妹祝各媚媚做個靚靚蛇美人!!
今次來介紹我搬進來差不多一年的日式窩居佈置和故事~






我小時候不富裕, 一家幾口擠在一間細公屋,
又嘈又逼又煩, 呢度紅色, 個度一忽綠色?! 設計九唔搭八.
當時的夢想就是有間自己設計的姑婆屋自己一個住,
雖然姑婆已經輪唔到我做, 但係依然無滅我要姑婆屋的鬥志!!!
所以一路博哂老命(日文: 一生懸命)咁工作, 讀書同埋儲錢但唔係為結婚,
而係為了搵我個狗竇, 唐樓, 公屋, 村屋我都搵過.... 一搵就搵了4, 5 年.


最後呢, 現在就住在從來沒想過的寮屋~
雖然寮屋外表是好醜樣, 但我覺得內在美才是最重要!!
反而外表越靚越引人犯罪呢!!
你看我家裡面多美多舒服呀~

但別以為寮屋醜樣沒人住就好易租, 其實分分鐘仲難過的搵間村屋!!
因為第一平租, 第二就是不會經地產出租.
所以要經熟人介紹才可以租到的
好像我就是朋友鄰居剛搬走兼快快手才租到,
當時包租婆仲出錢裝修買冷氣熱水爐, 我二話不說就落訂.
既興奮又緊張地開始一個人住一年!!





 
而且我家寮屋的好處是只要是我家範圍的走廊部分都可以完全使用!!
所以雖然家裡二百尺, 但連門口走廊泊單車位等, 應該有接近三百尺的空間,
我的多到著唔哂的鞋呀, 唔想見到的地拖掃把等清潔用品, 龐大的洗衣機等等.....
全部都可以搬出黎放在屋外的走廊!!!!!!! 而租金不過是二千幾, 好吸引吧, 嘻嘻~






關於屋內的情況, 整體來說其實也不錯,
一個人住, 加多隻肥喵也是絕無問題~
也可以多多運用裝牆的傢具, 讓家居整齊地放置到更多東西.






這個靈魂所在地!!!!!! 每天埋頭苦幹十幾小時的地方,
晚飯, 做功課, 用電腦都在這裡.






因為我懶得下椅的關係時時當木椅是有輪的椅子.....
這個椅腳套在移動椅子時就可以順滑一點和防花.





這是台灣買的筆刨, 很討厭放小雜物的我最終留下這個筆刨~




不難發現我家全木製品, 我實在太太太太太喜歡木了!!!
木製品是日式家居必備的條件,
不過相對日本氣候乾燥, 香港使用木製品的確大不同,
好像我家的木傢具, 春夏秋天都必定佈滿霉菌!!!!!!!!!!!!!
清潔就變成一天中很重要的家事!








除了喜歡木製品, 碎花系的素材也超多的!!
主因大自然, 花花草草, 小動物都是我最喜愛的東西!!!
不過那些另類小動物也真的過多.
小強, 中強, 大強, 巨蜂, 巨蛛, 毛蟲,樹蛙, 蜈蚣, 青蛇我全都見過!!!!!!
家中裡裡外外都果然佈滿小動物... 叫天不應, 叫地不聞
必須扮鎮定地要牠們全軍覆沒,
是我目前為止一個人住最大的挑戰...

 廚房沒有甚麼大佈置,
但後來才發現一個人住下廚很重要~
因為每天外出進餐會令開支大幅增加,
省錢的秘技莫過於自坎!!




大家可以買一些喜歡的廚具碗碟等刺激下廚的衝動~
每天看到這些小可愛我忍不住那個衝動不得不搞搞佢地!! 哈哈




眨下眼一個人住的日子差不多一年.
自己改變當然很多, 至少我已經是百分百的小師奶了~
而且也開始明天媽媽以前一天到晚左整右整又唔知整乜生活,
清潔, 下廚, 洗濯, 殺小動物, 買菜.....
我還要扮靚, 打BLOG, 工作, 出街....
似乎真的好忙碌好辛苦, 但, 忙忙的才是我mui mui !!!



最後我拍了片帶大家遊花園, 有興趣可以看看喔
(這次有旁白可以開喇叭聽聽了)

YouTube 影片 :









這個大年初二天氣好晴朗, 讓人心情也開朗!!
喵喵也嚷著要出來曬太陽呢~